MAYOR DADAH, PINANGUNAHAN ANG KASUNDUAN PARA SA DAGDAG NA MGA CLASSROOM SA LUNGSOD NG ISABELA

Isa na namang mahalagang hakbang para sa pagpapalakas ng kalidad ng pampublikong edukasyon ang isinulong ni Alkalde Sitti Djalia Turabin-Hataman matapos niyang pormal na lagdaan ang Memorandum of Agreement sa Kagawaran ng Edukasyon (DepEd) para sa pagpapatupad ng mga proyektong pang-imprastraktura sa ilalim ng 2026 Basic Education Facilities Program.

Idinaos ang paglagda sa tanggapan ni Undersecretary Atty. Peter Irving Corvera, Head of Procuring Entity, Senior Personnel Oversight, at Internal Audit Service. Kumatawan naman sa DepEd sa paglagda si Assistant Secretary Aurelio Paulo “AP” Bartolome, na namumuno sa Human Resource and Organizational Development, habang nagsilbing saksi si Basilan District 1 Board Member Amin Hataman.

Sa pamamagitan ng nasabing kasunduan, bibigyang kapangyarihan ang Pamahalaang Lungsod ng Isabela na magsagawa ng LGU-led procurement para sa pagtatayo ng 13 bagong silid-aralan sa tatlong pampublikong paaralan, bilang bahagi ng patuloy na pagsisikap ng lokal na pamahalaan na makapagbigay ng ligtas, matatag, at makabagong pasilidad para sa mga mag-aaral.

Kabilang sa mga proyektong ipatutupad ng Pamahalaang Lungsod ang:

pagtatayo ng apat na silid-aralan na may kasamang school furniture, solar photovoltaic (PV) energy system, water collection system, rainwater collector, at mga palikuran sa Caro Elementary School;

pagtatayo ng limang silid-aralan na may school furniture, solar PV energy system, water collection system, rainwater collector, at mga palikuran sa Panunsulan Elementary School; at

pagtatayo ng isang limang silid-aralang gusali upang higit pang mapalawak ang akses ng mga mag-aaral sa dekalidad na pasilidad sa edukasyon, lalo na sa mga pamayanang baybayin sa Badjao Floating Integrated School.

Ang mga proyektong pangungunahan ng Pamahalaang Lungsod ay nagkakahalaga ng P55.06 milyon, na may kabuuang project cost na humigit-kumulang P57.20 milyon, kabilang na ang engineering at administrative costs.

Bahagi ang mga ito ng mas malawak na 2026 Basic Education Facilities Program, na maghahatid ng kabuuang 26 bagong silid-aralan sa Lungsod ng Isabela sa pamamagitan ng pinagsamang pagsisikap ng Pamahalaang Lungsod at ni Gobernador Mujiv Hataman. Sa kabuuan, umaabot sa humigit-kumulang P110.83 milyon ang kabuuang pondong inilaan para sa pagpapabuti ng mga pasilidad pang-edukasyon sa lungsod.

Ayon kay Mayor Dadah, ang pamumuhunan sa mga paaralan ay pamumuhunan sa kinabukasan ng bawat batang Isabeleño. Sa patuloy na pakikipagtulungan sa DepEd at sa mga katuwang na ahensya ng pamahalaan, nananatiling matatag ang hangarin ng Pamahalaang Lungsod na makapagbigay ng mas ligtas, mas maayos, at mas angkop na kapaligiran sa pagkatuto, isang kongkretong hakbang tungo sa isang lungsod kung saan ang bawat kabataan ay may pagkakataong matuto, umunlad, at magtagumpay. (Sulat ni M. Guerrero, CIO/Ambag na Mga Larawan)

#HAPIsabela

#AHappyAndDignifiedLifeforAll

#GoodGovernanceWorks

Facebook
X
LinkedIn

More from the Newsroom

BASILAN YOUTH AGORA MARKS FIRST ANNIVERSARY THROUGH ALL-STARS EDITION

The Basilan Youth Agora celebrated its first anniversary through the All-Stars Edition on November 14, bringing back 12 former speakers from different cities and municipalities across the province for another round of sharing stories, ideas, and advocacies at the Isabela City Hall Lobby. The gathering was attended by Isabela City

Read More »

ISABELA CITY HOLDS SOFT OPENING OF MUSEO PANTAN, HONORING ITS COMMUNITY CONTRIBUTORS

The City Government of Isabela, Museo Pantán (Museum of Isabela de Basilan) opened its doors on November 16 at Fuego-Fuego Beachfront, Tabiawan, under the leadership of Mayor Sitti Djalia Turabin-Hataman. The gathering brought together key informants, community collaborators, and Isabeleños and Basilenos whose knowledge, experiences, and contributions helped shape the

Read More »

ZFF CONDUCTS FIRST 2,000 DAYS (F2KD) BASELINE FOR ECCD IN ISABELA CITY

The Zuellig Family Foundation (ZFF) Validation Team conducted the baselining activity for the First 2,000 Days (F2KD) Roadmap in Isabela City, through the review and validation of documents based on the indicators in the F2KD tool, held in City Population Management and Development Office (CPMDO), November 11. ‎ ‎The activity

Read More »

ISABELA CITY HOLDS PEOPLE’S BUDGET CONSULTATION TO STRENGTHEN TRANSPARENCY AND PARTICIPATORY GOVERNANCE

The City Government of Isabela held its annual People’s Budget Consultation on November 11, at City Hall Lobby, bringing together Punong Barangays and representatives of Civil Society Organizations (CSOs) to discuss the city’s budget priorities and development initiatives. The consultation provided a platform to present the allocation of the city’s

Read More »