Author name: CIO

​​​​Matagumpay na isinagawa ng SOLIDARIDAD-IDP Foundation, sa pamumuno ni Sister Ma. Valentina Rebollos, OP (Project Manager), ang programang “Illiterate Parents and Youth Orientation” na naglalayong magbigay ng kaalaman, paggabay, at pag-asa sa mga magulang at kabataan ng komunidad nitong ika-6 ng Mayo. ‎ ‎Bilang bahagi ng kanilang patuloy na adhikain sa edukasyon at kabataan, namahagi rin ang foundation ng 99 backpack bags para sa mga batang may sponsor bilang paghahanda sa nalalapit na pagbubukas ng klase. Ang simpleng handog na ito ay malaking inspirasyon upang higit pang ganahan ang mga kabataan sa kanilang pag-aaral. ‎ ‎Lubos namang nagpapasalamat ang mga opisyal ng barangay sa pangunguna ni Kapitan Ahmad L. Hamad sa walang sawang suporta, malasakit, at serbisyong ipinapakita ng SOLIDARIDAD-IDP Foundation sa komunidad. ‎ ‎Ang inyong kabutihan at dedikasyon ay tunay na nagbibigay-liwanag at pag-asa sa bawat pamilya at kabataan. ‎Maraming salamat sa inyong patuloy na paglilingkod! ‎ ‎(​Ulat at larawan ni BIO Patroller Mujib Abbas ng Barangay Marang-Marang) ‎ ‎#HAPIsabela ‎#IsangBuhayNaMaligayaAtMarangalParaSaLahat

Matagumpay na isinagawa ang HAPAG (Halina’t Magtanim ng Prutas at Gulay) na aktibidad sa bakanteng espasyo ng Barangay Hall ng Lumbang nitong ika-6 ng Mayo. ‎ ‎Ang nasabing gawain ay naglalayong hikayatin ang komunidad na makiisa sa pagtatanim ng mga gulay at prutas bilang suporta sa seguridad sa pagkain at pagpapabuti ng nutrisyon ng bawat pamilya. ‎ ‎Ang aktibidad ay pinangunahan ni Punong Barangay Hja. Hayma Omar at dinaluhan ng mga Barangay Kagawad, Lupon ng Tagapamayapa, Barangay Secretary, pati na rin ng mga Solo Parent at Senior Citizen. ‎ ‎Sa halip na magsimula ng panibagong taniman, pinagtibay ng mga kalahok ang pagpapanatili ng kasalukuyang garden sa pamamagitan ng paglilinis ng paligid, pag-aayos ng mga tanim, at pag-aalaga sa mga gulay upang mas mapabuti ang kanilang paglago. ‎ ‎Sa pamamagitan ng sama-samang pagkilos, naipakita ang kahalagahan ng disiplina at kooperasyon sa pagpapanatili ng isang produktibo at maayos na gulayan. Patuloy na hinihikayat ang bawat residente na makiisa sa pangangalaga at pagpapaunlad ng gulayan ng barangay. ‎ ‎Sa kabuuan, naging makabuluhan at produktibo ang isinagawang HAPAG activity na nagpakita ng pagkakaisa ng komunidad tungo sa mas masustansyang pamumuhay. ‎ ‎(Ulat at mga larawan ni BIO Patroller Sarah Sayaddi ng Barangay Lumbang) ‎ ‎#HAPIsabela ‎#IsangBuhayNaMaligayaAtMarangalParaSaLahat

​​​​Naganap ang isang oryentasyon ukol sa “Registry of Barangay Inhabitants and Migrants (RBIM): A Response to Internal Migration” noong ika-6 ng Mayo sa Barangay Hall ng La Piedad. ‎ ‎Ang nasabing programa ay pinangunahan ni Jayson Salvador mula sa City Population Management and Development Office (CPMDO), sa ilalim ng pamumuno ni Ms. Jesielyn Puno, City Population Officer/CNAO. ‎ ‎Isa sa mga pangunahing tinalakay sa oryentasyon ay ang pagkilala kung sino ang dapat irehistro sa RBIM. Nilinaw na ang Inhabitants ay ang lahat ng kasalukuyang naninirahan sa barangay, habang ang Migrants ay ang mga kababayang nagmula sa ibang lugar at lumipat na sa komunidad. ‎ ‎Binigyang-diin din ang kahalagahan ng RBIM upang mapatibay ang database ng barangay at masiguro na bawat residente, maging luma o bagong lipat, ay mapagsilbihan nang maayos at hindi mapag-iiwanan sa mga programa ng lungsod. Ang sistemang ito ay ‘offline-based’ kaya mas madali ang pag-input ng datos. Sa pamamagitan lamang ng isang araw na training para sa mga magsasagawa nito, masisiguro ang mabilis at accurate na pag-record ng impormasyon para sa ikabubuti ng bawat pamilya. ‎ ‎Kaugnay nito, inaasahan ang pag-iikot ng mga BHW, BNS, BIO, at volunteers sa mga tahanan para sa mas maayos na registry ng komunidad. Layunin nitong masiguro na walang mapag-iiwanan sa Barangay La Piedad dahil bawat isa ay counted. ‎ ‎Dinaluhan ito ng mga opisyales at lingkod-bayan ng Barangay La Piedad kabilang sina Punong Barangay Dion Rey Mon, pitong mga Barangay Kagawad, Barangay Secretary at Treasurer, SK Chairperson Joven Eugenio, mga Barangay Health Workers (BHWs), Barangay Nutrition Scholar (BNS), at Barangay Information Officer (BIO). ‎ ‎Sa kabuuan, naging maayos at produktibo ang isinagawang oryentasyon na nagpakita ng pagkakaisa at dedikasyon ng mga lingkod-bayan para sa kapakanan ng kanilang nasasakupan. ‎ ‎(Ulat at mga larawan ni BIO Patroller Noelyn Delos Santos ng Barangay La Piedad) ‎ ‎#HAPIsabela ‎#IsangBuhayNaMaligayaAtMarangalParaSaLahat

Bilang bahagi ng kampanya para sa mas ligtas at organisadong pangisdaan, matagumpay na idinaos ng Barangay Council ng Kumalarang ang Safety, Security, and Environmental Numbering Caravan para sa lahat ng mga motorbanca at sasakyang pandagat sa komunidad nitong ika-5 ng Mayo. ​Ang naturang aktibidad ay naisakatuparan sa pakikipagtulungan ng Philippine Coast Guard (PCG) – Isabela City Station. ‎ ‎Layunin ng programang ito na: ‎ ‎Pagtibayin ang Maritime Safety: Sa pamamagitan ng tamang rehistrasyon at paglalagay ng body number sa mga bangka para sa mabilis na pagkilala. ‎ ‎​Palakasin ang Seguridad: Pagbuo ng isang updated na database ng mga lokal na sea crafts upang maiwasan ang anumang ilegal na aktibidad sa karagatan. ‎ ‎​Proteksyon sa Kalikasan: Pagbabantay sa pagsunod ng mga mangingisda sa mga regulasyong pang-dagat at pang-ekolohiya. ‎ ‎​Nagpaabot naman ng pasasalamat ang pamunuan ng Barangay Kumalarang sa mga tauhan ng PCG, mga opisyal ng barangay, at lalo na sa mga kooperatibong boat owners at mangingisda na nakiisa sa caravan. Ang hakbang na ito ay patunay ng pagkakaisa para sa mas ligtas na paglalayag at masiglang kabuhayan sa karagatan. ‎​ ‎(​Ulat at larawan ni BIO Patroller Paradiba Omar ng Barangay Kumalarang) ‎ ‎#HAPIsabela ‎#IsangBuhayNaMaligayaAtMarangalParaSaLahat

Ramdam na ramdam na ang nalalapit na kapistahan ng “Our Lady of Fatima” sa Barangay Busay! ‎ ‎Bilang bahagi ng paghahanda, personal na pinangunahan nina Punong Barangay Ron Alvarez at SK Chairman Clinton Labrador ang pagkakabit ng mga makukulay na buntings sa paligid ng kapilya ng barangay. ‎ ‎​Hindi rin nagpahuli sa pagtulong ang mga kabataan ng Barangay Busay na nakiisa sa pagpapaganda at paghahanda ng dekorasyon. Ang pagtutulungan ng mga opisyal ng barangay at ng Sangguniang Kabataan (SK) ay naglalayong bigyan ng masigla at debosyonal na kapaligiran ang mga parokyano at residente para sa darating na selebrasyon. ‎ ‎​Ipinapakita ng gawaing ito ang matibay na ugnayan ng mga pinuno at ng kabataan sa pagpapanatili ng mga tradisyon at pagkakaisa sa kanilang komunidad. ‎ ‎(​Ulat at larawan mula kay BIO Patroller Rowena Reston ng Barangay Busay) ‎ ‎#HAPIsabela ‎#IsangBuhayNaMaligayaAtMarangalParaSaLahat

Hindi naging hadlang ang maagang oras para sa mga “early birds” ng Barangay Carbon upang isagawa ang kanilang nakasanayang paglilinis ng komunidad nitong ika-3 ng Mayo. Sa ilalim ng direktiba ni Punong Barangay Jaitun Magalona Danial, nakiisa ang mga Barangay Health Workers (BHW), Sangguniang Kabataan (SK), at iba pang mga volunteer sa proyektong “Clean and Green.” ‎ ‎​Masayang nakiisa ang bawat isa sa gawaing ito, bitbit ang paniniwalang ang kalinisan ng kapaligiran ay direktang konektado sa kalusugan ng bawat indibidwal. Ang nasabing aktibidad ay bahagi na ng regular na routine ng barangay upang mapanatili ang magandang ambiance at kaayusan ng lugar. ‎ ‎​Dahil sa maayos na pamamahala at aktibong kooperasyon ng mga residente, patuloy na namamayani ang kapayapaan at pagkakaisa sa Barangay Carbon. Inaasahan na ang ganitong tradisyon ng bayanihan ay magpapatuloy para sa mas maunlad at masiglang ugnayan ng bawat mamamayan. ‎ ‎(​Ulat ni BIO Jacebel Jumah at larawan mula sa BNS ng Barangay Carbon) ‎ ‎#HAPIsabela ‎#IsangBuhayNaMaligayaAtMarangalParaSaLahat

𝗕𝗜𝗢𝗡 𝗣𝗔𝗧𝗥𝗢𝗟 ​|​ Patuloy ang pagpapakita ng dedikasyon sa kalinisan at kaayusan ng kapaligiran ang mga opisyal ng Barangay Busay sa ilalim ng pamumuno ni Punong Barangay Ron Alvarez kung saan, matagumpay na isinagawa ang isang masiglang clean-up drive sa Purok 2 ng komunidad noong ika-3 ng Mayo. ‎ ‎​Layunin ng nasabing aktibidad na masiguro ang kaligtasan ng mga residente laban sa mga sakit na dulot ng maruming paligid at mapanatili ang ganda ng kanilang komunidad. ‎ ‎Nagtulung-tulong ang mga opisyal at mga volunteer upang linisin ang mga kanal, tabing-daan, at mga pampublikong espasyo sa naturang purok. ‎ ‎​Ayon sa pamunuan, ang hakbang na ito ay bahagi ng kanilang pangmatagalang kampanya para sa isang mas luntian at masiglang barangay. Ang pagkakaisa ng mga opisyal at mamamayan ay patunay na buhay na buhay ang bayanihan sa Busay. ‎ ‎(​Ulat at larawan mula kay BIO Patroller Rowena Reston ng Barangay Busay) ‎ ‎#HAPIsabela ‎#IsangBuhayNaMaligayaAtMarangalParaSaLahat

The LINGKATAN LGBTQIA+ Organization, in partnership with the Gender and Development (GAD) Unit of the City Government of Isabela under the administration of Mayor Sitti Djalia Tufabin-Hataman, launched the second season of the HAPIsabela Volleyball League (HVL), reinforcing its commitment to inclusivity, sportsmanship, and community empowerment. The opening program was held on May 5 at the Isabela City Civic Center in Binuangan, marking the start of the league which runs until June 6. Participating teams, supporters, and advocates of gender inclusivity gathered in a vibrant celebration of unity through sports. The first day of competition immediately showcased the teams’ talent and competitive spirit as they battled on the court. Game 1 set the tone for the tournament as HAPIsabela Gen Spikers secured a straight-sets victory against Xavier Madi Defenders, 25-18 and 25-19. Leading the charge was Mohammad Attan Bangsa, who delivered an impressive 9 points, all from attacks, highlighting his consistency and offensive strength. In Game 2, Junreen Basilan Spikers-Alpha dominated BIC Crimson, also winning in straight sets, 25-19 and 25-14. Standout player Diether Saralani powered his team with 13 points, including 10 attacks and 3 service aces, demonstrating both power and precision on the court. (Words by SJ Asakil/Photos by M. Santos, CIO) #HAPIsabela #AHappyAndDignifiedLifeforAll #GoodGovernanceWorks

The Closing Ceremony of the Sakayan Festival 2026 reached a thrilling high point with “Eksena: The LGU Concert Extravaganza Face-Off!”, an electrifying showcase that brought together the best of talent, creativity, and collaboration from the workforce of the City Government of Isabela, May 2, at the Isabela City Park. Rising above the competition, Cluster 1 claimed the grand championship with a powerhouse performance that captivated the crowd and impressed the panel of judges. Composed of the City General Services Office, City Veterinary Office, City Cooperative Development Office, and City Assessor’s Office, the winning cluster took home P60,000 in cash and a plaque of recognition. Cluster 5 secured Second Place, represented by the City Population Management and Development Office, City Disaster Risk Reduction and Management Office, City Health Office, and City Social Welfare and Development Office, earning P40,000 and a plaque of recognition. Meanwhile, Cluster 2, made up of the City Agriculture Office, Sangguniang Panlungsod, and City Engineering Office, finished in Third Place, receiving P20,00000 and a plaque of recognition. The distinguished panel of judges included Charles Anthony Rotoni of the Provincial Tourism Office of Zamboanga del Norte; Verlyn Garciona of the Philippine Dance Federation in Zamboanga City; Mohammad Bennajir Jul of the Kahayag Dance Company in Dumaguete City; Barbara Mon, a retired government employee of Isabela City; and LTJG Muammar Payao, Station Commander of CGS Isabela. More than just a competition, “Eksena” stood as a powerful celebration of unity, teamwork, and shared pride among government employees—an unforgettable highlight of the 25th Charter Anniversary of Isabela City. The City Government of Isabela commends all participating clusters for their passion, creativity, and commitment in making “Eksena” a resounding success. As the Sakayan Festival 2026 comes to a close, this remarkable showcase stands as a testament to the unity and vibrant spirit of every Isabeleño—continuing to inspire pride, collaboration, and excellence in public service. (Words by KJ Lim/Photos by KJ Evardo, IsaTV) #HAPIsabela #IsabelaCity25 #SakayanFest26

Bilang bahagi ng engrandeng pagdiriwang ng Ika-25 Anibersaryo ng Lungsod ng Isabela, tampok sa pampinid na palatuntunan ng Sakayan Festival ang inaabangang Parada Sakayan Boat Float Competition, na nagpakita ng mayaman na pamanang pangkaragatan at makulay na pagkakakilanlan ng Lungsod ng Isabela. Isinagawa noong ika-2 ng Mayo 2 sa pagbubukas ng National Heritage Month, ang makabuluhan at masiglang pagtatapos ng selebrasyon, na nagbigay-diin sa maritimong kultura, multikultural na pagkakakilanlan, at matibay na diwa ng pagkakaisa ng komunidad. Sa temang “Isabela City at 25: Reflections and Directions,” itinampok ng fluvial parade ang kahalagahan ng mga sakayan, hindi lamang bilang sasakyang-pandagat kundi bilang simbolo ng pinagsasaluhang kasaysayan at paglalakbay tungo sa pagkakaisa, kapayapaan, at kaunlaran. Ipinamalas ng bawat kalahok ang kani-kanilang kultura sa pamamagitan ng malikhaing disenyo ng kanilang mga bangka, na ginawang buhay na entablado ang dagat ng mga kwento at tradisyon. Itinanghal na kampeon ang DepEd SDO – Isabela City, na pinahanga ang mga hurado sa kanilang natatanging presentasyon ng kulturang Tausug, at nag-uwi ng P170,000 at plake ng pagkilala. Pumangalawa ang DOLE – ICFO, na may inspirasyong Sama-Bangingi, na tumanggap ng P150,000 bilang premyo. Samantala, pumangatlo ang National Commission on Indigenous Peoples (NCIP) – Basilan sa kanilang Bajau-themed na float, na nagkamit ng P100,000 bilang gantimpala. Nagkamit naman ng consolation prizes na P20,000 bawat isa ang BNHS, DPWH-Isabela City District Office, Infante Hospital Management Corporation, at ang Pamahalaang Panlalawigan ng Basilan, bilang pagkilala sa kanilang kahanga-hangang partisipasyon. Sinuri ang kompetisyon ng mga kilalang hurado na sina Maria Fe Quiroga, isang tagapangasiwa ng museo; Raynald Aguit ng Kahayag Dance Company; Charles Anthony Rotoni ng Provincial Tourism Office ng Zamboanga del Norte; Maria Rosalinda Fernando ng National Museum of the Philippines – Zamboanga; at Ian Ray Garcia, mamamahayag at media tourism worker. Muli, pinatunayan ng Parada Sakayan na isa itong makapangyarihang pagdiriwang ng kultura, pagkakakilanlan, at pagkakaisa, pinagbubuklod ang iba’t ibang komunidad sa iisang pagpapahayag ng pagmamalaki habang patuloy na naglalayag ang Lungsod ng Isabela tungo sa mas matatag at maayos na kinabukasan. (Sulat ni R. Albani, GAD/Kuha ni KJ Evardo, IsaTV) #NationalHeritageMonth #HAPIsabela #IsabelaCity25 #SakayanFest2026